1431/10000
O exercicio físico produce beneficios indubidables en todo o organismo, na nosa saúde e, por suposto, no cerebro. Con todo, nos últimos anos pasaron relativamente desapercibidos numerosos avances neurocientíficos que sinalan que tipo de exercicio é bo para segundo que aspectos; que a intensidade do exercicio é un factor crucial para obter resultados concretos; cales son as áreas cerebrais que se ven beneficiadas polo exercicio moderado ou vigoroso, así como os últimos avances sobre o efecto que ten na depresión, a ansiedade, a cognición, o envellecemento e a neurodexeneración. Aínda que estamos lonxe de poder elaborar un plan personalizado de exercicio útil para cada ser humano, que produza beneficios para os diferentes sistemas fisiolóxicos do organismo sen incrementar o estrés, non cabe a menor dúbida de que o sedentarismo é o inimigo dun cerebro san.