Sempre se soubo que están, que importan, que o traballo no campo e a vida no medio rural contemporáneo non se explican sen elas. Pero entre esta percepción e o recoñecemento nos libros de historia media un abismo.
O rigor académico da análise histórica e a perspectiva de xénero sustentan a presente publicación que ofrece unha visión plural sobre o protagonismo das mulleres rurais. Porque habelas, haylas e son moitas e moi diferentes: campesiñas, xornaleiras, propietarias, artesás..., e todas elas dignas de figurar nun relato historiográfico que se prece de ser integrador e sustentable.