Este libro de Sheila Queralt non é unha creación artística, senón o relato da experiencia dunha detective da lingua e dos casos reais que máis influíron na súa traxectoria profesional. Dos casos que xa non están suxeitos a secreto de sumario ou baixo confidencialidade, claro.
Como perito xudicial en Lingüística Forense, a autora seleccionou 50 casos en que a contribución da análise lingüística foi crucial para determinar o grao de participación dos presuntos delincuentes.
De aí o de «forense» e de aí o de «lingüística». Porque igual que deixamos o noso sinal en todo o que facemos (abrir unha porta, enviar unha mensaxe ou deixar as nosas pisadas no barro), a nosa maneira de expresarnos evidencia moitas cousas sobre nós e os lingüistas formados especificamente para iso son capaces de desentrañalas. Desde o experto en fonética que soubo atopar a pista nas gravacións dos secuestradores de Anabel Segura ou do suposto narco de Barcelona que pasou 626 días nun cárcere italiano, ata o lingüista forense que analiza denuncias por ameazas ou casos de suplantación de identidade.