Joana acaba de desembarcar no novo mundo e pretende partir coa expedición de Matwei en busca de posibles vetas de ouro. Aínda que a viaxe será dura e as ganancias incertas, necesita dar con ese ouro para reconstruír o que deixou atrás. A xente que lle importa, as persoas amadas, a súa verdadeira terra. Unha terra que xa non existe... Pero os homes de Matwei son remisos a levar mulleres consigo, e Joana non recibirá o trato que esperaba. Aínda que queda a posibilidade de toparse con novos aliados. Á fin e ao cabo, nada une máis que un inimigo común. Mesmo poida que algún coñecedor da verdadeira natureza dos homes estea a seguirlles o rastro. Alguén... ou algo.